https://www.facebook.com/altitebs/videos/214850535557867/
كلمات الأغنية ..
صندوق النقد .. يا صندوق
سمه في الشهد .. مين هايدوق
يا باني لي بيتي .. يا صندوق
يا زارع لي غيطي .. يا صندوق
من غيرك انت .. عيشه كحيتي
صندوق النقد يا صندوق
علمني اصنع وازرع واركع .. لصندوق
وريني فين مصلحتي برطع .. يا صندوق
الحقني ف عرضك .. كلبشني بقرضك
ارتع في بلادنا واعتبرها ارضك
صندوق النقد يا صندوق
لو عندي نيل .. كان قال مواويل
عن زرعه ماتت .. عن امة تاهت
مين يزرعهالنا .. غير صندوق
لو عندي ايد .. كان قمحي يزيد
واعيش بكرامة .. مرفوع الهامة
مين يرفعهالنا .. غير صندوق
يا معلي داري .. يا شريكي في افكاري
يا مخطط مستقبلنا ومصادر قراري
يا شايف مصلحتي .. يا سايبني آكل براحتي
يا جابر ايدي المكسورة يا جايب لبن العصفورة
مين يسقيهولنا .. غير صندوق
امال الثورة ده قامت ليه .. واللي ماتو كانو ماتو ليه
فهمنا معنى الكرامة ايه .. يا صندوق
ارفع راسك فوق دي تبقى ايه .. يا صندوق
وكنا بنهتف يسقط يسقط ليه .. يا صندوق
فهمنا الحره بتاكل بايه .. ايه ايه ايه
يا ماحي ماضينا .. يا مكفي علينا
يا حاطط ايدك في جيوبنا .. ومعلم علينا
يا شريك حياتي .. يا مظبط ميزانياتي
واقعين وانت اللي شايلنا .. ومحقق لي امنياتي
مين هايحققها .. غير صندوق
صندوق النقد يا صندوق
ليست هناك تعليقات:
إرسال تعليق